Author: webadmin

எமது சபையின் ஆளுகைக்கு உட்பட்ட பிரதேசத்தில் 30.05.2025 தொடக்கம் 05.06.2025 வரை உலக சுற்றாடல் தினத்தை முன்னிட்டு பிளாஸ்ரிக் கழிவுப்பொருட்கள் அகற்றல், வாகனப்புகையினால் சூழலுக்கு ஏற்படும் தீங்குகள் தொடர்பான துண்டுப்பிரசுரம் வழங்கல், துப்பரவாக்கல், மரம்நடுகை மற்றும் விழிப்புணர்வுக் கருத்தரங்கு போன்ற நிகழ்வுகள் இடம்பெற்றன.

கலைஞர் மற்றும் மாணவர் கொளரவிப்பு நிகழ்வு சபையின் செயலாளர் தலமையில் 22.05.2025ம் திகதி இன்று எமது பிரதேச சபையில் இடம்பெற்றதுடன் நிகழ்வின்போது பிரதேச செயலாளர் , உதவிப்பிரதேச செயலாளர், கலாச்சார உத்தியோகத்தர்கள், கிராமசேவையாளர்கள், பாடசாலை அதிபர்கள் என்போர் நிகழ்வில் கலந்து சிறப்பித்திருந்ததுடன் நிகழ்வில் கலைஞர்கள் கௌரவிக்கப்பட்டதுடன் மாணவர்களும் கௌரவிக்கப்பட்டிருந்தனர்      

 

2025 ஆம் ஆண்டின் வரவு செலவுத்திட்டத்தில் ”ஊழியர் பயிற்சி நெறி” எனும் திட்டத்தில் நிதி ஒதுக்கப்பட்ட வகையில் ஊழியர்களுக்கு பெறுகை தொடர்பான பயிற்சி நெறியானது வளவாளர் Eng.S.சண்முகாநந்தன் அவர்கள் மூலம் எமது பிரதேச சபையில் சபை உத்தியோகத்தர்கள் ,பிராந்திய உள்ளுராட்சி உதவி ஆணையாளர் அலுவலக உத்தியோகத்தர்கள், கரைச்சிப்பிரதேச சபை உத்தியோகத்தர்கள் ,பூநகரி பிரதேச சபை உத்தியோகத்தர்களும் பயிற்சி நெறியில் கலந்துகொண்டபோது.....

சமூக கண்காணிப்பு குழுக்கூட்டம்...11.03.2025

சபைநிதி - 2025 இன் கீழ் மேற்கொள்ளப்பட வேண்டிய முள்ளிப்பற்று வட்டாரத்திற்கு உட்பட்ட வேலைத்திட்டங்கள் தொடர்பான சமூக கண்காணிப்பு குழு கலந்துரையாடல்  11.03.2025 இடம்பெற்றது.  

சமூக கண்காணிப்பு குழுக்கூட்டம்...

சபைநிதி - 2025 இன் கீழ் மேற்கொள்ளப்பட வேண்டிய வேலைத்திட்டங்கள் தொடர்பான சமூக கண்காணிப்பு குழு கலந்துரையாடல்  இன்றையதினம் இடம்பெற்றது..

தேசிய வாசிப்பு மாத பரிசளிப்பு விழாவும் பச்சிலை மலர் வெளியீடும்-2024

  எமது சபை நிதி ஒதுக்கீட்டின்கீழ் தேசிய வாசிப்பு மாத பரிசளிப்பு விழாவும் பச்சிலை மலர் வெளியீடும் 28.01.2025 ம் திகதி காலை 10:00 மணிக்கு தலைமை அலுவலக பொது மண்டபத்தில் இடம்பெற்ற போது..

உலக வங்கி மற்றும் ஐரோப்பியன் யூனியன் நிதி மற்றும் சபைநிதி ஒதுக்கீட்டின்கீழ் பிரதேச அபிவிருத்தி உதவித் திட்டத்தினூடாக 65.30 மில்லியன் ரூபா செலவில் பளை நகரத்தில் புதிதாக அமைக்கப்பட்ட கடைத்தொகுதி திறப்பு விழா 2025.01.01 ஆம் திகதி மு.ப 11.00 மணிக்கு பளை பொதுச்சந்தை வளாகத்தில் இடம்பெற்றதுடன் குத்தகைதாரர்களுக்கு திறப்புக்கள் கையளிக்கப்பட்டது. இந்நிகழ்வு பச்சிலைப்பள்ளி பிரதேச சபையின் செயலாளர் திருமதி.த.தர்சினி அவர்களின் தலைமையில் நடைபெற்றது. இந்நிகழ்வில் விருந்தினர்களாக பச்சிலைப்பள்ளி பிரதேச செயலாளர், திரு.இ.த.ஜெயசீலன், கிளிநொச்சி பிராந்திய உள்;ராட்சி உதவி ஆணையாளர், திரு.ப.சத்தியராகவன் ஆகியோர் கலந்துகொண்டனர். இந்நிகழ்வில் பச்சிலைப்பள்ளி பிரதேச செயலக உதவிப் பிரதேச செயலாளர், கணக்காளர், உத்தியோகத்தர்கள் மற்றும் பிராந்திய உள்;ராட்சி உதவி ஆணையாளர் அலுவலக உத்தியோகத்தர்கள், சுகாதார வைத்திய அதிகாரி பணிமனை பொதுச்சுகாதார பரிசோதகர்கள், பச்சிலைப்பள்ளி பிரதேச சபை அலுவலர்கள், கடைகளினை குத்தகைக்குப் பெற்றுக்கொண்ட குத்தகைதாரர்கள் மற்றும் பொதுமக்கள் என்போர் கலந்து சிறப்பித்திருந்தனர்.

 

பச்சிலைப்பள்ளி பிரதேச சபையின் 2025 ஆம் ஆண்டுக்கான வரவுசெலவுத்திட்டத்தில் நிதி ஒதுக்கப்படவுள்ள வேலைத்திட்டங்களின் தெரிவு தொடர்பில் மக்கள் பங்கேற்பு அபிவிருத்தி திட்டத்தினூடாக முன்னுரிமைப்படுத்தப்பட்ட வேலைத்திட்டங்களில் மூலதன வேலைகள், திருத்த வேலைகள், விசேட வேலைத்திட்டங்கள் என்பவற்றில் உள்ளடக்கப்படவேண்டிய திட்டங்கள் தொடர்பான இறுதித்தீர்மானம் மேற்கொள்வதற்கான கலந்துரையாடலானது 10.10.2024 ஆம் திகதியன்று பச்சிலைப்பள்ளி பிரதேச சபை தலைமை அலுவலகத்தில் நடைபெற்றது இக்கலந்துரையாடலில் பச்சிலைப்பள்ளி பிரதேசத்திலுள்ள கிராம அபிவிருத்திச் சங்கங்கள், மாதர் கிராம அபிவிருத்திச் சங்கங்கள், சனசமூக நிலையங்கள், கமக்கார அமைப்புக்கள், இளைஞர் கழகங்கள் மற்றும் மாற்றுத் திறனாளிகள் அமைப்புக்கள் என்பவற்றுடன் கலந்துரையாடி இறுதித் தீர்மனம் எடுக்கப்பட்டது